lassame ‘sta

lassame ‘sta
nun ce pruvà ‘a m’acchiappà
nun so’ pietto pe’ tte
nun ce penzà ‘a m’accattà
si tu m’astrigne je te fuje ‘a dinto ‘e mana
dinto ‘e vene l’ammore scorre ‘a onna
‘e se ‘nfonnene ‘e respire ‘e se ‘nfurcinene ‘e penziere ca restano scazzille ‘e scugliera
ma sbaccattianne cu ‘o viento bbuono addeventano canisto ‘e primizie
miezo ‘e costa d’ ‘a vita
napule mammà
te voglio ‘e nun te voglio
t’abbraccio ‘e t’accurtello
abbascio ‘e cristallini
miezo santacroce
sott’a sgarrupata
areto sedil capuano jenne ‘ncopp’e mura
passanne p’ ‘a rarrà addò ‘o rummore d’ ‘e cingoli
arriva ‘ncoppo materdè
saglienne cu tre cavallo
duje se ne so’ fujuto
chillo rimasto tene ‘e cosce corte ‘e l’uocchie offeso
quanti sagliute tene ‘na vita?
areto all’ombra ‘e ‘na resata aggio visto l’ipotesi ‘e ‘na discesa
‘oj mà comme so’ ‘mbrugliate ‘sti vite d’ ‘e vico ‘e napule
‘a vita ‘a morte areto ‘a porta
‘a ponte ‘e lacrima
miezo ‘e curtiello d’ ‘a vita
napule mammà
te vasa ‘e te sparasse
te scave ‘e te chiavasse
napoli medea: liberaci
è lassace ‘sta
areto ‘a ferrovia
‘mbond chianatown
assettato miez’o terzo munno ‘e secondigliano
m’aggio fatto comme ‘n afgano
sott’a munnezza m’adda murì mammà aggio visto ‘a dio tutto surato
teneve l’uocchie comme ‘a pece
‘e capille russo scuncecato d’ ‘o viento
pareva rosso malpelo asciuto fora ‘a nu foglio tropp’ stritto
‘stu guaglione ‘nquieto, infante pe’ chi nun sape leggere ‘o traffico d’ ‘o core
né ‘e meraviglia ‘e l’anema
mo’ avanza ‘o pere ‘ncopp’e chiave d’ ‘e paure
‘e c’ ‘o piacere mana corre pe’ nun se fà acchiappà
corre cchiù ‘e pietro mennea
cchiù ‘e lewis ‘e johnson doppo ca l’ha visto se mise ‘a fà l’uoglie ‘e ‘o shampo
corre ‘stu budda d’ ‘a periferia pe’ tucca pe’ primmo ‘na raffica amica
lassatelo je nun ce pruvate allo fermà
nun ce penzate allo carezzà
è ‘o specchio rutto c’avite ittato ajere sera
oj mà, nun te mettere ‘a cuffià
nun fà ca pure chistato se ne va’
‘a vita ‘a vòta fotte pure ‘a morte
sigmor sì;
sì, si se sfonnene ‘e porta
‘e miezo ‘e piazze ce uardamme ‘nfaccia
primma ‘e aizà ‘e vraccia
lassatece ‘sta
scinnitece ‘a cuollo
ca nuje pure ‘a luntano sentimme l’addore ‘e ‘sta cazzo ‘e libertà
napule mammà
sì c’ ‘o ca sera nun saje che ‘a fà
vieneme ‘a piglià
ma viene comme staje p’ ‘a casa
nun t’apparecchià, nun te pittà, nun te ‘mbriacà
ma soprattutto oj mà nun te scurdà